پاکستان اور بنگلہ دیش کے درمیان تین ٹی ٹوئنٹی میچ 20 سے 24 جولائی تک ڈھاکہ میں کھیلے جائیں گے۔اسکواڈ میں تجربہ کار اور نوجوان کھلاڑیوں کا مرکب ہے جبکہ محمد حارث اور صاحبزادہ فرحان کو وکٹ کیپر کے طور پر شامل کیا گیا ہے۔پاکستان کرکٹ ٹیم 16 جولائی کو بنگلہ دیش پہنچے گی جہاں دونوں ٹیموں کے درمیان ٹی ٹوئنٹی سیریز 20 جولائی سے شروع ہوگی۔شیڈول کے مطابق پہلا ٹی ٹوئنٹی میچ ڈھاکہ میں 20 جولائی، دوسرا میچ 22 جولائی اور تیسرا میچ 24 جولائی کو کھیلا جائے گا۔

بنگلہ دیش اور ویسٹ انڈیز کے دورے کے لیے پاکستان کرکٹ اسکواڈ کا تربیتی کیمپ بدھ کو شروع ہو جائے گا، ممکنہ کھلاڑی آج (منگل) کو نیشنل بینک سٹیڈیم میں منعقد ہونے والے کیمپ کے لیے رپورٹ کریں گے۔تربیتی کیمپ 15 جولائی تک جاری رہے گا۔. پاکستان کرکٹ ٹیم اگلے روز 16 جولائی کو ڈھاکہ پہنچے گی۔. بنگلہ دیش کے دورے کے بعد پاکستانی ٹیم امریکہ روانہ ہو جائے گی۔پاکستان اور ویسٹ انڈیز کے درمیان تین میچوں کی ٹی ٹوئنٹی سیریز یکم سے 4 اگست تک فلوریڈا میں کھیلی جائے گی، اس کے بعد ٹرینیڈاڈ اور ٹوباگو میں 8 سے 12 اگست تک دونوں ممالک کے درمیان ون ڈے سیریز ہوگی۔.

بنگلہ دیش سیریز کے لیے پاکستانی اسکواڈ

سلمان علی آغا (کپتان)، ابرار احمد، احمد دانیال، فہیم اشرف، فخر زمان، حسن نواز، حسین طلعت، خوشدل شاہ، محمد عباس آفریدی، محمد حارث (وکٹ کیپر)، محمد نواز، صاحبزادہ فرحان (وکٹ کیپر)، صائم ایوب، سلمان مرزا اور سفیان مقیم۔