اردو ورلڈ کینیڈا ( ویب نیوز ) کراچی میں جاری پاکستان اور انگلینڈ کے تیسرے

ٹیسٹ میچ کے پہلے روز  قومی  ٹیم  کے کپتان بابر اعظم نے ٹاس جیت کر پہلے

بیٹنگ کا فیصلہ کیا۔ پاکستان نے ایک وکٹ کے نقصان پر 19 رنز بنائے، عبداللہ شفیق 8 رنز بنانے کے بعد پویلین لوٹ گئے۔

بابر اعظم نے مزید کہا کہ محمد وسیم جونیئر کراچی ٹیسٹ میں ڈیبیو کر رہے ہیں۔

اظہر علی کے علاوہ نعمان علی اور شان مسعود کو بھی فیلڈنگ الیون میں شامل کیا گیا ہے۔

اس موقع پر انگلش کپتان بین اسٹوکس کا کہنا تھا کہ وہ ٹاس جیت کر پہلے بیٹنگ کرنا چاہتے تھے

تاہم وہ پہلے سیشن میں ابتدائی وکٹیں لے کر پاکستان کے لیے مشکلات پیدا کرنے کی کوشش کریں گے۔

دوسری جانب انگلش ٹیم کے اسپنر ریحان احمد آج ڈیبیو کریں گے۔پاکستان کے اسکواڈ میں کپتان بابر اعظم، شان مسعود، اظہر علی،

عبداللہ شفیق، محمد رضوان، آغا سلمان سعود شکیل، فہیم اشرف، نعمان علی، محمد وسیم جونیئر اور ابرار احمد جبکہ انگلینڈ کا

سکواڈ کپتانوں میں بین اسٹوکس، بین ڈکٹ، زیک کراؤلی، اولی پوپ، جو روٹ، ہیری بروک، بین فوکس، ریحان احمد، اولی رابنسن،

جیک لیچ اور مارک ووڈ پر مشتمل ہے