اردو ورلڈ کینیڈا ( بیورو رپورٹ ) پاکستان کی قومی کرکٹ ٹیم ون ڈے اور ٹی 20 سیریز کیلئے نیوزی لینڈ روانہ ،دورے کے دوران قومی ٹیم 5 ٹی ٹوئنٹی اور 3 ون ڈے کھیلے گی۔

پاکستان کرکٹ بورڈ کے مطابق قومی ٹی ٹوئنٹی اسکواڈ لاہور سے نیوزی لینڈ کے لیے روانہ ہو گیا ہے۔. ٹیم دبئی کے راستے نیوزی لینڈ پہنچے گی۔ واضح رہے کہ پاکستان اور نیوزی لینڈ کے درمیان 5 میچوں کی ٹی ٹوئنٹی سیریز 16 مارچ کو کرائسٹ چرچ میں شروع ہوگی۔16 رکنی سکواڈ میں سلمان علی آغا (کپتان)، شاداب خان (نائب کپتان)، عباس آفریدی، عبدالصمد، ابرار احمد، حارث رؤف، حسن نواز، عرفان خان نیازی، جہانداد خان، خوشدل شاہ، محمد علی، محمد حارث، عمیر بن یوسف، شاہ آفریدی، سفیان مقیم اور عثمان خان شامل ۔پاکستانی ٹیم میں عبدالصمد اور حسن نواز بھی شامل ہیں جنہیں پہلی بار پاکستانی ٹیم کے لیے منتخب کیا گیا ہے۔کرکٹ ٹیم کے نائب کپتان شاداب خان نے کہا کہ مجھے ایک نئی ذمہ داری سونپی گئی ہے اور میں اچھا کھیلنے کی کوشش کروں گا۔انہوں نے کہا کہ ٹیم میں بہت سے نوجوان کھلاڑی شامل ہیں۔.نوجوانوں میں توانائی مختلف اور مثبت ہے۔. پہلی بار ٹیم کا حصہ بننے والے کھلاڑیوں سے بڑی امیدیں وابستہ ہیں۔. امید ہے ہم کامیاب ہو جائیں گے۔