اردو ورلڈ کینیڈا ( ویب نیوز)امریکی اخبار ’’فنانشل ٹائمز‘‘ کا کہنا ہے کہ پاکستان کی معیشت دیوالیہ ہونے کے قریب پہنچ چکی ہے۔

فنانشل ٹائمز کی رپورٹ کے مطابق پاکستان میں زرمبادلہ کے ذخائر میں کمی ہوئی ہے۔ 23 جنوری کو ملک بھر میں بجلی کے بریک ڈاؤن نے مشکلات میں اضافہ کر دیا ہے۔

رپورٹ میں دعویٰ کیا گیا ہے کہ زرمبادلہ کے ذخائر میں کمی سے پاکستانی معیشت کے دیوالیہ ہونے کا خطرہ ہے۔ پاکستان کو زرمبادلہ کی شدید قلت کا سامنا ہے اور کاروبار چلانا مشکل ہو گیا ہے۔
ملک کے زرمبادلہ کے ذخائر گھٹ کر 5 بلین ڈالر سے بھی کم ہو گئے ہیں جو کہ ایک ماہ کی درآمدات سے بھی کم ہے۔
رپورٹ میں مزید کہا گیا ہے کہ شہباز شریف کی حکومت اور آئی ایم ایف کے درمیان 7 ارب ڈالر کے امدادی پیکج پر مذاکرات تعطل کا شکار ہیں یہ پیکج پچھلے سال روک دیا گیا تھا۔
تجزیہ کاروں کے مطابق پاکستان کی معاشی صورتحال سنگین ہو چکی ہے اور پاکستان کی صورتحال بھی سری لنکا جیسی ہونے کا خدشہ ہے۔