اردو ورلڈ کینیڈا ( ویب نیوز )لاہور میں لگائے گئے پاکستان کے پہلے میاواکی جنگل کو دیکھ بھال کے لیے پی ایچ اے کے حوالے کر دیا گیا ہے۔
میاواکی فاریسٹ کے پہلے پبلک پرائیویٹ سول سوسائٹی کے مشترکہ منصوبے کے لیے لبرٹی میں ایک تقریب کا انعقاد کیا گیا۔
تقریب میں میاواکی فاریسٹ کے تمام انتظامات باضابطہ طور پر پی ایچ اے کے حوالے کردیئے گئے، ایڈیشنل ڈائریکٹر جنرل پی ایچ اے صفی اللہ گوندل نے میڈیا کو بریفنگ دیتے ہوئے کہا کہ لبرٹی میں پاکستان کے پہلے میاواکی فاریسٹ کو ماحول کی بہتری کے لیے تین سال کا وقت دیا جائے گا۔ اس سے قبل 11 نہروں پر ایک کامیاب تجربہ کیا گیا تھا۔
میاواکی جنگل میں 10 ہزار درخت لگائے گئے تھے جو آج بڑے درختوں میں تبدیل ہو چکے ہیں، پی ایچ اے نے لاہور شہر کے ماحول کو بہتر بنانے اور ماحول کو خوشگوار بنانے کے لیے 53 میاواکی جنگلات لگائے ہیں۔
سی ای او اظہار گروپ شیراز مانو نے کہا کہ حکومت کے مشکور ہیں، یہ ایک اچھا آئیڈیا تھا، جب میاواکی جنگل لگایا گیا تو مزید 50 جنگلات بنائے گئے، میاواکی جنگل آلودگی کو کم کرتا ہے اور ایسے منصوبے شہر کے لیے اچھے ہیں۔
سی ای او ریسٹور اربن ڈویلپمنٹ بلال اختر چودھری، ترجمان اربن فاریسٹ سٹیشن لاہور عطیہ نون، ڈائریکٹر ایڈمنسٹریشن پی ایچ اے موسیٰ علی بخاری، ڈائریکٹر ہارٹیکلچر علی شاہ نواز نے تقریب میں شرکت کی۔
