اردوورلڈ کینیڈا( ویب نیوز)اگلے مالی سال 2024-25 کا بجٹ 295 روپے فی ڈالر کی شرح سے بنایا جائے گا.

وزارت خزانہ کے ذرائع کے مطابق موجودہ مالی سال کے مقابلے میں اگلے مالی سال میں ڈالر کی شرح میں 10 روپے کا اضافہ متوقع ہے.
ذرائع کا کہنا ہے کہ ڈالر کی شرح میں 10 روپے کے اضافے کی وجہ سے اگلے مالی سال میں مہنگائی کا خدشہ بھی ہے، عالمی منڈی میں پاکستانی مصنوعات کی مانگ بڑھے گی اورزرمبادلہ مزید کمایا جائے گا.
وزارت خزانہ کے ذرائع کے مطابق روپیہ کی قدر میں کمی کا اثر غیر ملکی کرنسی، ترقیاتی اخراجات میں پیٹرولیم مصنوعات پر پڑے گا، درآمدی اشیا میں اضافے کی وجہ سے طلب میں کمی کی وجہ سے تجارتی خسارہ کم ہو جائے گا۔ ڈالر کی شرح کا تعین کرنے کا مقصد غیر ملکی امداد ہے۔
ماہرین کا کہنا ہے کہ آئی ایم ایف کے ساتھ طے شدہ شرط کی وجہ سے مارکیٹ پر مبنی شرح مبادلہ لاگو کیا جائے گا، ڈالر کی شرح میں اضافہ بیرونی قرضوں، درآمدی بل، درآمد شدہ اشیائے خوردونوش کی قیمتوں میں اضافہ کرے گا.