اردو ورلڈ کینیڈا ( ویب نیوز )بین الاقوامی کریڈٹ ریٹنگ ایجنسی فچ نے پاکستان کی طویل مدتی غیر ملکی کرنسی کی یقین دہانی شدہ ڈیفالٹ ریٹنگ (IDR) کو ٹرپل سی پلس سے ٹرپل سی منفی کر دیا ہے۔

فچ کی جانب سے جاری کردہ ایک بیان میں کہا گیا ہے کہ پاکستان کی طویل مدتی غیر ملکی کرنسی کے قرضوں کی درجہ بندی کو کم کر دیا گیا ہے۔ پاکستان کی غیر ملکی کرنسی کی طویل مدتی کریڈٹ ریٹنگ کو ٹرپل سی پر اپ گریڈ کر دیا گیا ہے۔
فچ کے مطابق پاکستان کی غیر ملکی کرنسی کے قرضوں کی ریٹنگ ٹرپل سی پلس سے گھٹا کر ٹرپل سی کر دی گئی ہے۔
کریڈٹ ریٹنگ ایجنسی کی جانب سے جاری بیان میں کہا گیا ہے کہ ہمیں یقین ہے کہ بین الاقوامی مالیاتی فنڈ (آئی ایم ایف) پروگرام کا نواں جائزہ کامیاب رہے گا، ڈیفالٹ یا قرضوں کی تنظیم نو کا حقیقی امکان ہے
فچ کا کہنا ہے کہ ہمیں یقین ہے کہ پاکستان کے زرمبادلہ کے ذخائر کی سطح کم رہے گی، مالی سال 2023 میں معمولی بہتری ممکن ہے۔
فچ کے مطابق رقم کا حصول آئی ایم ایف معاہدے سے مشروط ہے، دوست ممالک پرانے قرضوں کے رول اوور کے ساتھ مزید پانچ ارب ڈالر دینے کو تیار ہیں، رواں مالی سال کرنٹ اکاؤنٹ خسارہ 4.7 ارب ڈالر رہے گا، کرنٹ اکاؤنٹ خسارہ مالی سال 2022 میں 17 ارب ڈالر کا ہو جائے گا۔
فچ نے مزید کہا کہ کم درآمدات اور زرمبادلہ کے ذخائر میں کمی کے نتیجے میں کرنٹ اکاؤنٹ خسارہ کم ہوا ہے۔