اردو ورلڈ کینیڈا ( ویب نیوز )ورلڈ فوڈ پروگرام نے اسرائیلی الزامات کی تردید کی ہے کہ حماس نے غزہ پہنچنے والی امداد لوٹ لی ہے۔

غیر ملکی میڈیا کے مطابق ورلڈ فوڈ پروگرام کی ایگزیکٹو ڈائریکٹر سنڈی مکین نے اپنے بیان میں کہا کہ حماس غزہ پہنچنے والی امداد کو لوٹ نہیں رہی ہے۔انہوں نے کہا کہ جب فلسطینی شہری ورلڈ فوڈ پروگرام کے ٹرک کو آتے ہوئے دیکھتے ہیں تو وہ اس کی طرف بھاگتے ہیں۔ س کا حماس سے کوئی تعلق نہیں ہے۔ حقیقت یہ ہے کہ لوگ بھوک سے مر رہے ہیں۔دوسری جانب فرانس کے دارالحکومت پیرس میں غزہ میں اسرائیلی مظالم کے خلاف احتجاجی مظاہرے کیے گئے۔ اسرائیل مخالف پلے کارڈز اٹھائے ہوئے مظاہرین نے "آزاد فلسطین” کے نعرے لگائے جبکہ مظاہرین نے غزہ میں بچوں کے قتل عام کے خاتمے اور فوری جنگ بندی کا مطالبہ کیا۔