اردو ورلڈ کینیڈا ( ویب نیوز )  بھارتی ریاست تلنگانہ میں ایک 16 سالہ لڑکا دل کا دورہ پڑنے سے ہلاک ہو گیا جس دن لڑکے کی سالگرہ تھی۔

بھارتی میڈیا کے مطابق ریاست کالنگانہ کے ایک ہسپتال کی ایک ویڈیو وائرل ہو رہی ہے جس میں دل شکستہ والدین اپنے بیٹے کی میت سے سالگرہ کا کیک کاٹ رہے ہیں۔ دسویں جماعت کا طالب علم اپنی سالگرہ کا سامان خریدنے بازار گیا تھا کہ اسے دل کا دورہ پڑا۔

نوجوان لڑکے کو منچیریال کے سرکاری اسپتال لایا گیا جہاں وہ علاج کے دوران زخموں کی تاب نہ لاتے ہوئے دم توڑ گیا۔ بدقسمتی سے والدین سالگرہ کا کیک لے کر ہسپتال پہنچے تو ان کا بیٹا مر چکا تھا۔ویڈیو میں دیکھا جاسکتا ہے کہ بیٹے کی لاش اسپتال کے بستر پر پڑی ہے اور والدین اس کا ہاتھ پکڑ کر کیک کاٹ رہے ہیں۔ والدین نے اپنی اور اپنے بیٹے کی میت کو سالگرہ کی مبارکباد دی۔