اردو ورلڈ کینیڈا ( ویب نیوز ) پیرس اولمپکس کے چھٹے روز چین نے مزید دو گولڈ میڈل جیت لیے جس کے بعد چین 11 گولڈ میڈلز کے ساتھ پہلی پوزیشن پر ہے۔پیرس اولمپکس میں چین کی خواتین کی ٹینس اسٹار زینگ کون وین نے جمعرات کو فائنل میں پہنچ کر اولمپکس میں ایک نئی تاریخ رقم کی جبکہ چین کی پین ژینلے نے مردوں کے 100 میٹر فری اسٹائل تیراکی کے فائنل میں نئے عالمی ریکارڈ کے ساتھ سونے کا تمغہ جیتا۔پیرس اولمپکس میڈلز ٹیبل پر فرانس اور جاپان 8 طلائی تمغوں کے ساتھ دوسرے اور تیسرے نمبر پر ہیں۔آسٹریلیا 7 اور امریکا 6 گولڈ میڈلز کے ساتھ چوتھے اور پانچویں نمبر پر ہے۔

چھٹے روز امریکی کھلاڑیوں کی کارکردگی بھی شاندار رہی، انہوں نے مختلف کھیلوں میں مزید 4 گولڈ میڈل جیتے۔ایکواڈور نے مردوں کی 20 کلومیٹر واک میں گیمز کا اپنا پہلا تمغہ جیتا۔واضح رہے کہ پیرس رواں سال 26 جولائی سے 11 اگست تک سمر اولمپکس کی میزبانی کر رہا ہے جس کے دوران 32 مختلف کھیلوں کے 329 ایونٹس منعقد کیے جائیں گے۔