اردو ورلڈ کینیڈا ( ویب نیوز )سابق صدر آصف علی زرداری نے کہا ہے کہ اٹھارویں آئینی ترمیم کے ذریعے 1973 کا آئین اصل شکل میں بحال ہوا ہے، پارلیمنٹ کو قوم اور ملک کے مستقبل کے فیصلے کرنے کا اختیار دیا جائے۔

اپنے ایک بیان میں پیپلز پارٹی پارلیمنٹیرینز کے صدر آصف علی زرداری نے کہا ہے کہ 1973 کے آئین کی گولڈن جوبلی کے موقع پر قوم کو مبارکباد پیش کرتے ہیں۔ 1
973 کے آئین کی شکل میں قوم کو تحفہ دیا جو ایک متفقہ آئین ہے، ان ہیروز کو سرخ سلام جنہوں نے آئین کی بحالی کے لیے عظیم قربانیاں دیں۔
سابق صدر آصف علی زرداری نے مزید کہا ہے کہ قربانیاں دینے والے تمام سیاسی کارکنوں کو خراج تحسین پیش کرتا ہوں۔ ، 1973 کے آئین کی اصل شکل میں بحالی محترمہ بے نظیر بھٹو شہید کی زندگی کا اولین مقصد تھا۔