اردو ورلڈ کینیڈا ( ویب نیوز )رہنما مسلم لیگ ن اور وفاقی وزیر داخلہ رانا ثنا اللہ نے کہا ہے کہ چوہدری پرویز الٰہی کے پاس 186 نمبر نہیں، پنجاب واپس ہمارے پاس آچکا۔
لاہور میں میڈیا سے گفتگو کرتے ہوئے وزیر داخلہ کا کہنا تھا کہ جنیوا کانفرنس کی کامیابی پر وزیراعظم کو مبارکباد پیش کرتے ہیں، تحریک انصاف کے لوگ مسلم لیگ ن میں شامل ہونے پر آمادہ ہیں، عمران خان سیاست میں بدنما داغ ہیں۔ ووٹ کی طاقت سے یہ فتنہ کم ہو جائے گا، یہ فتنہ گزشتہ پانچ سال سے چور، ڈاکو اور کرپشن کی دھنیں بجا رہا ہے۔
ان کا مزید کہنا تھا کہ ہمیں معلوم ہے کہ ان کے پاس اتنی تعداد نہیں ہے، ان کے 6 سے 8 ا یم پی ایز بیرون ملک ہیں، ہمارے پاس ایم پی ایز کی بیرون ملک سفری تاریخ ہے، وہ 176 لوگوں کو اکٹھا کرتے ہیں
مونس الہی واپس نہیں آئیں گے، پنجاب میں اقلیتی حکومت ہے۔
وزیر داخلہ نے کہا کہ ہم نے ارکان خریدے ہیں تو آج 187 ارکان کیوں موجود ہیں؟ عدم اعتماد کے لیے 22 دن دئیے گئے، پنجاب ہر دن مشکل سے گزر رہا ہے، یہ فیصلہ کل ہونا چاہیے، چیف جسٹس لاہور ہائی کورٹ کے بہت اچھے جج ہیں، ان کے بارے میں قیاس آرائیاں کی جا رہی ہیں، ہمیں امید ہے کہ آئین اور قانون کے مطابق فیصلہ ہو گا، ہماری عدالت سے درخواست ہے کہ انہیں ایک اور موقع نہ دیا جائے۔
رانا ثنا اللہ کا مزید کہنا تھا کہ پنجاب میں کرپشن کا بازار گرم ہے
میڈیا سے گفتگو کرتے ہوئے مسلم لیگ ن کے رہنما عطا اللہ تارڑ نے کہا کہ ووٹ لیں یا گھر جائیں، پرویز الہی کے پاس کوئی تیسرا آپشن نہیں، اب وہ بھاگیں یا چھپ جائیں گے ۔
