اردو ورلڈ کینیڈا ( ویب نیوز )مقررہ وقت گزر گیا لیکن ایوان کا اجلاس نہ ہو سکا، پرویز الہی وزیر اعلی رہیں گے یا نہیں؟ کچھ دیر بعد گورنر پنجاب کی جانب سے نیا نوٹیفکیشن متوقع ہے۔ وزیراعلی ہا ئوس لاہور کے باہر بھی کنٹینرز پہنچا د ئیے گئے ہیں۔

وفاقی وزیر داخلہ رانا ثنا اللہ کا کہنا ہے کہ گورنر جب چاہیں وزیراعلی سے اعتماد کا ووٹ لینے کا کہہ سکتے ہیں، بلیغ الرحمان گورنر راج کے نفاذ کے لیے وزیراعظم سے درخواست بھی کر سکتے ہیں۔

رانا ثنا اللہ نے موجودہ ملکی سیاسی صورتحال پر اپنے موقف میں مزید کہا کہ پاکستان تحریک انصاف جو چاہے کرے آئین کے خلاف مزاحمت نہیں کر سکتی۔

ادھر ایڈووکیٹ جنرل پنجاب احمد اویس نے ٹیلیفونک گفتگو میں کہا کہ گورنر پنجاب کے فیصلے کا انتظار ہے، اس کے بعد آئندہ کا لائحہ عمل دیں گے، انہوں نے کہا کہ پی ٹی آئی کے پاس قانونی آپشنز موجود ہیں۔