2017 میں اس وقت کے وزیر اعظم نواز شریف نے 10 لاکھ روپے انعام کا اعلان کیا تھا۔حکومت پاکستان نے چیمپئنز ٹرافی 2017 جیتنے والی پاکستان کرکٹ ٹیم کو اعلان کردہ انعامی رقم پاکستان سپورٹس بورڈ کے فنڈز سے جاری کر دی، حکومت کی جانب سے پاکستانی کرکٹرز کو ملنے والے فنڈز بنیادی طور پر دیگر کھیلوں پر خرچ کرنے کے لیے مختص کیے گئے تھے۔عام طور پر وزیر اعظم کی طرف سے اعلان کردہ انعامی رقم صوابدیدی فنڈز سے جاری کی جاتی ہے۔ ذرائع کا کہنا ہے کہ یہ رقم براہ راست کھلاڑیوں کو چیک کے ذریعے جاری کی گئی۔واضح رہے کہ پاکستان کرکٹ بورڈ کا موقف ہے کہ وہ اپنے معاملات چلانے کے لیے حکومت سے فنڈز نہیں لیتا اور یہ ایک خودمختار ادارہ ہے۔حکومت کی جانب سے 2017 میں کرکٹرز کو دی جانے والی انعامی رقم کو حکومتی فنڈنگ میں شمار نہیں کیا جاتا لیکن ماہرین نے حیرانی کا اظہار کیا ہے کہ حکومت نے کرکٹرز کو صوابدیدی فنڈز کے بجائے پاکستان سپورٹس بورڈ کے فنڈز سے ادائیگی کیوں کی،پی ایس بی کا بجٹ دیگر کھیلوں کے لیے ہے۔
73