اردو ورلڈ کینیڈا ( ویب نیوز ) پاکستان کرکٹ بورڈ (پی سی بی) نے مکی آرتھر کی عدم موجودگی میں سابق آل راؤنڈر یاسر عرفات کو قومی کرکٹ ٹیم کا پارٹ ٹائم ہیڈ کوچ مقرر کرنے کا فیصلہ کیا ہے۔

ذرائع کے مطابق مکی آرتھر سے مشاورت کے بعد فیصلہ کیا گیا ہے کہ یاسر عرفات قومی ٹیم کے دستیاب نہ ہونے پر کوچنگ کے تمام معاملات سنبھالیں گے۔

یہ بھی پڑھیں

مکی آرتھر کو دوبارہ پاکستانی کرکٹ ٹیم کا ہیڈ کوچ بنانے کا فیصلہ

پی سی بی نے حال ہی میں انگلینڈ اینڈ ویلز کرکٹ بورڈ سے لیول فور کوچنگ کا امتحان پاس کرنے والے یاسر عرفات کوشین ٹیٹ کی جگہ پاکستانی ٹیم کے نئے باؤلنگ کوچ کی ذمہ داریاں سونپنے پر بھی آمادگی ظاہر کی ہے جس کا باقاعدہ اعلان کیا جائے گا۔

ذرائع کا کہنا ہے کہ بولنگ کوچ کے لیے سابق آل راؤنڈر یاسر عرفات کا نام مکی آرتھر نے تجویز کیا ہے۔واضح رہے کہ راولپنڈی سے تعلق رکھنے والے یاسر عرفات فیملی کے ہمراہ انگلینڈ شفٹ ہوگئے۔

سابق آل راؤنڈر 3 ٹیسٹ، 11 ون ڈے اور 13 ٹی ٹوئنٹی میچز میں پاکستان کی نمائندگی کر چکے ہیں۔سابق آل راؤنڈر یاسر عرفات انگلش کاؤنٹی کرکٹ میں سب سے زیادہ وکٹیں لینے کا اعزاز رکھتے ہیں اور مختلف ٹیموں کی کوچنگ کا تجربہ بھی رکھتے ہیں۔

مزید پڑھیں

مکی آرتھر کو پی سی بی میں کون سا عہدہ دیا جائیگا ؟