Imran 
جوا کھیلنے والی کمپنی کے اشتہارات پاکستان اور آسٹریلیا کے پرتھ ٹیسٹ کے دوران سرکاری اسپورٹس چینل پی ٹی وی پر نشر کیے گئے۔تاہم پابندی کے باعث میلبورن ٹیسٹ کا پہلا دن سرکاری اسپورٹس چینل پر ٹیلی کاسٹ نہیں ہو سکا۔بعد ازاں پیمرا نے جوا کھیلنے والی کمپنیوں کی تشہیر پر نوٹس جاری کر دیا۔
پیمرا نوٹس میں کہا گیا ہے کہ اشتہارات نشر کرنے والی جوا کھیلنے والی کمپنیوں کے خلاف قانونی کارروائی کی جائے گی، پیمرا وزارت اطلاعات و نشریات کی زیرو ٹالرنس پالیسی کو بھی تسلیم کرتا ہے۔نوٹس کے مطابق کوئی بھی چینل جوئے سے متعلق کمپنیوں کے ساتھ کوئی معاہدہ نہیں کرے گا۔
اس سے قبل پی ٹی وی کی جانب سے جاری بیان میں کہا گیا تھا کہ وہ جوئے کے اشتہارات نشر کرنے پر حکومت کی زیرو ٹالرنس پالیسی کو قبول کرتے ہیں اور جوئے کے اشتہارات کی وجہ سے پاکستان اور آسٹریلیا دوسرے ٹیسٹ کو ٹیلی کاسٹ نہیں کر سکے۔پی ٹی وی کا کہنا تھا کہ اس معاملے پر ہمارے براڈکاسٹرز سے بات چیت جاری ہے، جوئے کے اشتہارات روکنے کے لیے تمام سٹیٹ ہولڈرز سے بات کر رہے ہیں، امید ہے کہ معاملہ حل ہونے کے بعد ناظرین پاک آسٹریلیا سیریز دیکھ سکیں گے۔
44
