اردو ورلڈ کینیڈا ( ویب نیوز ) امریکی محکمہ دفاع پینٹاگون نے یوکرین کے لیے 300 ملین ڈالر کے نئے ہتھیاروں کے پیکج کا اعلان کیا ہے۔

غیر ملکی خبر رساں ادارے کے مطابق ہتھیاروں کے پیکج میں فضائی دفاعی نظام اور گولہ بارود شامل ہے۔

اس کے علاوہ پیکج میں پیٹریاٹ ایئر ڈیفنس سسٹمز، AIM-7 ایئر ڈیفنس میزائل، ایونجر ایئر ڈیفنس سسٹمز اور سٹرنگر اینٹی ایئر کرافٹ میزائل، جبکہ ہائی موبلٹی آرٹلری راکٹ سسٹم، 155 ایم ایم اور 105 ایم ایم آرٹلری راؤنڈز، 105 ایم ایم ٹینک گولہ بارود شامل ہیں۔

یہ بھی پڑھیں

پینٹاگون کا یوکرین کیلئے سکیورٹی امدادی پیکج کا اعلان  

اور زونی طیارہ شکن راکٹ بھی پیکیج کا حصہ ہیں۔پینٹاگون کا کہنا ہے کہ روسی حملے کے بعد یوکرین کو 37.6 بلین ڈالر کی سیکیورٹی امداد دی گئی ہے اور امریکا اپنے اتحادیوں کے ساتھ مل کر کام جاری رکھے گا۔پینٹاگون کے مطابق یوکرین کی فوری اور طویل مدتی جنگی ضروریات کو پورا کیا جائے گا اور یوکرین کے مشرقی اور جنوبی علاقوں سے روسی فوجیوں کو واپس بلانے کی تیاریاں جاری ہیں۔