ارد و ورلڈ کینیڈا ( ویب نیوز)وزیر داخلہ رانا ثناء اللہ نے کہا ہے کہ عوام نے وزیر آباد واقعہ کے بعد عمران خان کی احتجاجی کال اور پاکستان تحریک انصاف کے غیر ذمہ دارانہ رویے کو یکسر مسترد کر دیا ہے۔
ایک بیان میں وزیرداخلہ نے کہا کہ احتجاج میں عوام کی عدم شرکت نے ثابت کر دیا ہے کہ پاکستان کے عوام "پی ٹی آئی کی سیاست کی حمایت نہیں کرتے۔
انہوں نے کہا کہ پی ٹی آئی اپنی سیاسی ناکامی کے بعد مکمل طور پر مایوس ہو چکی ہے وزیر داخلہ نے کہا کہ سڑکیں بند ہونے کی وجہ سے لوگوں کو شدید مشکلات کا سامنا کرنا پڑ رہا تھا اور وہ اپنی منزلوں تک نہیں پہنچ پا رہے تھے، انہوں نے مزید کہا کہ سڑکیں اور شاہراہیں بند ہونے کی وجہ سے مریض ہسپتال نہیں پہنچ سکے۔
رانا ثناءنے کہا کہ پی ٹی آئی کے کارکنوں کا یہ عمل اور پنجاب حکومت کی اس غیر قانونی حرکت میں ان کی حمایت کے ساتھ خاموشی افسوسناک اور قابل مذمت ہے۔
