اردوورلڈ کینیڈا( ویب نیوز)بالی ووڈ اداکارہ سوناکشی سنہا کا کہنا ہے کہ لوگوں کو میری شادی کی فکر نہیں کرنی چاہیے.میڈیا سے بات کرتے ہوئے سوناکشی سنہا نے کہا کہ میرے والدین بارہا مجھ سے میری شادی کے بارے میں پوچھ رہے ہیں جو کہ بہت مضحکہ خیز ہے. میں اپنی مرضی اور پسند سے شادی کر ر ہی ہوں، کسی کو اس کی فکر نہیں کرنی چاہیے.
اداکارہ نے مزید کہا کہ لوگ ہمیشہ یہ جاننا چاہتے ہیں کہ میں کیا کر رہی ہوں یا اب میں کیا کرنے جا رہی ہوں. میں اپنے بارے میں لوگوں کے تجسس کے بارے میں کچھ نہیں کر سکتی لوگوں کا میری شادی سے کوئی تعلق نہیں ہونا چاہیے.
سوناکشی سنہا کے بھائی لو سنہا سے جب ان کی بہن کی شادی کے بارے میں پوچھا گیا تو انہوں نے صحافی کو بتایا کہ وہ اس بارے میں کچھ نہیں جانتے اور خود سوناکشی یا ظہیر اقبال سے شادی کے بارے میں پوچھا جانا چاہیے. اداکارہ کے والد اور بالی ووڈ کے سینئر اداکار شترو گھن سنہا نے بھی اپنی بیٹی کی شادی کے بارے میں اپنی لاعلمی کا اظہار کرتے ہوئے کہا کہ سوناکشی نے مجھے اس شادی کے بارے میں کچھ نہیں بتایا مجھے میڈیا سے معلوم ہواہے۔
111
