مردان میں پیپلز پارٹی کے ورکرز کنونشن سے خطاب کرتے ہوئے انہوں نے کہا کہ پاکستان کی سب سے بڑی دشمن پرانی سیاست ہے، پرانے سیاستدانوں کے پاس عوامی مسائل کا کوئی حل نہیں، پرانے سیاستدان مسائل میں پھنسے ہوئے ہیں اور وہ آج کے مسائل کے بارے میں نہیں سوچتے۔ہم  نئی سیاست سے مسائل حل کریں گے۔

بلاول بھٹو زرداری نے کہا کہ سیاست میں ایک دوسرے کی ٹانگیں کھینچی جاتی ہیں لیکن ہمارا مقابلہ کسی سیاسی جماعت سے نہیں مہنگائی سے ہے۔

انہوں نے خبردار کیا کہ سب دیکھ سکتے ہیں کہ پیپلز پارٹی آئندہ الیکشن جیتے گی، لیکن اگر دوبارہ سلیکشن ہوئی تو ملک کو مزید نقصان پہنچے گا، عوام سلیکٹڈ حکمرانی کو قبول نہیں کریں گے، فیصلہ کرنے کا حق صرف عوام کو ہے

پیپلز پارٹی کے چیئرمین نے کہا کہ عوامی راج قائم کرنے کے لیے مسائل کے حل کے لیے پیپلز پارٹی کو الیکشن میں کامیاب کرنا ہوگا۔