پرویزالہٰی آئینی طور پر وزیر اعلیٰ نہیں رہے، رانا ثناء اللہ

140

اردو ورلڈ کینیڈا ( ویب نیوز )وفاقی وزیر داخلہ رانا ثنا اللہ نے کہا ہے کہ چوہدری پرویز الہی گزشتہ روز اعتماد کا ووٹ نہ لینے پر آئینی طور پر وزیراعلی نہیں رہے۔
لاہور میں میڈیا سے گفتگو کرتے ہوئے رانا ثنا اللہ نے کہا کہ گورنر پنجاب آئین کے تحت اپنے اختیارات استعمال کر رہے ہیں، گورنر پنجاب جیسے ہی حکم جاری کریں گے اس پر عملدرآمد کرائیں گے۔

 

وفاقی وزیر داخلہ نے کہا کہ پنجاب میں امن و امان کی ذمہ داری صوبائی حکومت کی ہے۔ حمزہ شہباز ہمارے پارلیمانی لیڈر اور قائد حزب اختلاف ہیں، وہ ہمارے امیدوار ہوں گے۔

انہوں نے کہا کہ وزیراعظم کے مشورے کے بغیر صدر ماتھے پر بیٹھی مکھی بھی نہیں اڑا سکتے، اگر انہیں اسمبلی تحلیل کرنی ہوتی تو وہ 17 تاریخ کو ہی تحلیل کر سکتے تھے میاں نواز شریف کے استقبال کی تیاریاں بھی جاری ہیں، وطن واپسی کی تاریخ نواز شریف خود دیں گے۔
وفاقی وزیر داخلہ نے کہا کہ ملک میں کوئی سیاسی بحران نہیں، نوٹیفکیشن جاری ہوتے ہی نیا وزیراعلی آجائے گا۔
رانا ثنا اللہ نے کہا کہ عمران خان کی آنے والی تمام آڈیوز اصلی ہیں، گزشتہ 7 ماہ سے اسلام آباد میں ہنگامہ برپا کرنے کی کوشش کر رہے ہیں، یہاں ہنگامہ ہوگا تو سارے انتظامات ہیں