اردو ورلڈ کینیڈا ( ویب نیوز )  کے پی کے کے 3 بڑے ہسپتالوں میں انسولین 6 ماہ سے غائب ، متعدد آپریشن ملتوی

ذرائع کے مطابق لیڈی ریڈنگ اسپتال (ایل آر ایچ)، خیبر ٹیچنگ ہسپتال اور حیات آباد میڈیکل کمپلیکس میں 6 ماہ سے انسولین دستیاب نہیں جس کے باعث مریضوں کو مشکلات کا سامنا ہے۔

ذرائع کا دعویٰ ہے کہ لیڈی ریڈنگ ہسپتال میں بے ہوشی کی ادویات دستیاب نہیں، مریضوں کو شکایت ہے کہ بے ہوشی کی دوائیں نہ ملنے کی وجہ سے ان کے آپریشن ملتوی کیے گئے ہیں۔

ترجمان ایل آر ایچ کے مطابق ہمارے پاس اندرون مریضوں کے لیے انسولین دستیاب ہے لیکن او پی ڈی کے مریضوں کے لیے مفت انسولین دستیاب نہیں ہے۔

ترجمان ایل آر ایچ کا کہنا تھا کہ بے ہوشی کی ادویات سپلائی میں معمولی کمی آئی ہے، بے ہوشی کی ادویات دستیاب ہیں لیکن ضرورت کے مطابق دی جارہی ہیں اور ہسپتال میں سرجری بھی کی جارہی ہے