اردو ورلڈ کینیڈا ( ویب نیوز )  پشاور زلمی نے کراچی کنگز کو 24 رنز سے شکست دے کر پوائنٹس ٹیبل پر چوتھی پوزیشن حاصل کرلی۔

پشاور زلمی نے راولپنڈی میں کھیلے گئے پاکستان سپر لیگ 8 کے 17ویں میچ میں ہدف کے تعاقب میں کراچی کنگز مقررہ 20 اوورز میں 8 وکٹوں کے نقصان پر 173 رنز بنا سکی۔

کراچی کنگز کی جانب سے کپتان عماد وسیم 57 رنز بنا کر ناٹ آؤٹ پویلین لوٹ گئے۔ وکٹ کیپر بلے باز 53 رنز بنا کر آؤٹ ہوئے۔پشاور زلمی کی جانب سے عظمت اللہ عمرزئی اور عامر جمال نے 3، 3 جبکہ مجیب الرحمان نے 2 وکٹیں حاصل کیں۔

اس سے قبل پشاور زلمی نے کراچی کنگز کی دعوت پر پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 197 رنز بنائے۔پشاور زلمی کی جانب سے روومین پاول نے 64 رنز بنائے۔

حسیب اللہ 50 رنز بنانے کے بعد آؤٹ ہوئے۔ ٹام کوہلر کیڈمور 56 جبکہ عامر جمال 13 رنز کے ساتھ ناٹ آؤٹ رہے۔صائم ایوب 1 جبکہ کپتان بابر اعظم اور محمد حارث کھاتہ کھولے بغیر آؤٹ ہوئے۔

کراچی کنگز کی جانب سے محمد عامر نے 4 اور تبریز شمسی نے ایک وکٹ حاصل کی۔