اردو ورلڈ کینیڈا ( ویب نیوز ) سعودی وزارت حج و عمرہ نے کہا ہے کہ عازمین کے عمرے کی تعداد متعین نہیں ہے اور عازمین جتنی بار چاہیں عمرہ کر سکتے ہیں۔
سعودی نشریاتی ادارے کے مطابق وزارت حج کی جانب سے جاری بیان میں کہا گیا ہے کہ عازمین کے عمرے کی تعداد کا تعین نہیں کیا گیا اور عازمین اپنی مرضی اور سہولت کے مطابق جتنی بار چاہیں عمرہ ادا کر سکتے ہیں۔اس حوالے سے وزارت کا کہنا ہے کہ وزٹ، ٹورسٹ یا ایمپلائمنٹ ویزہ رکھنے والے بغیر کسی پابندی کے عمرہ کر سکتے ہیں ۔
یہ بھی پڑھیں
سعودی عرب کا بڑا اعلان ،خواتین اب محرم کے بغیر عمرہ کر سکیں گی
زائرین ملک سے واپسی کے لیے ٹرانسپورٹ کے ذرائع یعنی ہوائی، سمندری یا سمندری راستے بھی تبدیل کر سکتے ہیں۔ سعودی عرب آنے اور جانے کے سلسلے میں کسی بین الاقوامی یا مقامی ہوائی اڈے پر کوئی پابندی نہیں ہے، یہ کسی بھی ہوائی اڈے سے کیا جا سکتا ہے۔
مزید پڑھیں
حج کے لیے عمر کی حد ختم ، عمرہ ویزے کی میعاد 90 دن،انشورنس فیس بھی کم کردی گئی
واضح رہے کہ سعودی عرب نے آن لائن ٹرانزٹ وزٹ ویزا سروس کا آغاز کیا ہے، جس کا مقصد سعودی عرب میں آمد، عمرہ، مسجد نبوی کی زیارت، سیاحتی پروگراموں میں شرکت اور ٹرانزٹ ویزے پر مملکت کے شہروں کا دورہ کرنے کی سہولت فراہم کرنا ہے۔
یہ خبر بھی پڑھیں
عمرہ زائرین کو تمام ایئرپورٹس پر جانے کی اجازت
