اردوورلڈ کینیڈا ( ویب نیوز)پاکستان مسلم لیگ (ن) کی سینئر نائب صدر اور چیف آرگنائزر مریم نواز وطن واپس پہنچ گئیں۔
لاہور کے علامہ اقبال انٹرنیشنل ایئرپورٹ پر مریم نواز کا استقبال (ن) لیگ کے سابق رکن صوبائی اسمبلی (ایم پی اے) مرزا جاوید نے کیا اور بعد ازاں وہ ذاتی سیکیورٹی کے حصار میں اپنی رہائش گاہ جاتی امرا رائونڈ کے لیے ایئرپورٹ سے روانہ ہوئیں۔

مریم نواز عید الاضحیٰ سے قبل دبئی سے لندن کے لیے روانہ ہوئیں، وہ کچھ دن دبئی میں رہیں اور بعد ازاں لندن میں اپنے والد اور سابق وزیراعظم نواز شریف کے ساتھ عید منائی۔
یاد رہے کہ مسلم لیگ (ن) کے قائد اور سابق وزیراعظم میاں نواز شریف کی پاکستان واپسی کا متوقع شیڈول بھی سامنے آ گیا ہے۔
پارٹی ذرائع کا کہنا ہے کہ قائد (ن) لیگ 5 سے 6 ہفتے لندن میں قیام کے بعد پاکستان روانہ ہوں گے۔
لندن پہنچنے کے بعد میاں نواز شریف کی پاکستان واپسی کی تیاریاں مکمل کرلی جائیں گی۔