139 اردوورلڈ کینیڈا ( ویب نیوز) لاہور پولیس نے رہائی کے بعد پاکستان تحریک انصاف (پی ٹی آئی) کے چیئرمین عمران خان سے ملاقات کرنے والے 27 کارکنوں کو گرفتار کرکے نامعلوم مقام پر منتقل کردیا۔
اردوورلڈ کینیڈا ( ویب نیوز) لاہور پولیس نے رہائی کے بعد پاکستان تحریک انصاف (پی ٹی آئی) کے چیئرمین عمران خان سے ملاقات کرنے والے 27 کارکنوں کو گرفتار کرکے نامعلوم مقام پر منتقل کردیا۔
پنجاب کے مختلف اضلاع سے پی ٹی آئی کے کارکن جیلوں سے رہائی کے بعد چیئرمین سے ملاقات کے لیے زمان پارک پہنچے تھے۔
کارکنوں کا تعلق قصور، لاہور، گوجرانوالہ اور سرگودھا اضلاع سے ہے۔
ملاقات کے بعد کارکن واپس جانے لگے تو مختلف علاقوں میں چوکیوں پر پولیس نے انہیں گرفتار کر لیا، ؒ
فہرست کے مطابق گرفتار کارکنوں میں سے زیادہ تر کا تعلق قصور، لاہور، گوجرانوالہ اور سرگودھا کے اضلاع سے ہے۔
پولیس ذرائع کے مطابق گرفتار کارکنوں کو تاحال کسی مقدمے میں نامزد نہیں کیا گیا۔
واضح رہے کہ رواں ماہ کے آغاز میں لاہور ہائی کورٹ نے لاہور سمیت پنجاب کے 11 اضلاع میں پاکستان تحریک انصاف کے کارکنوں کی نظر بندی کو کالعدم قرار دیتے ہوئے تمام افراد کی فوری رہائی کا حکم دیا تھا۔
دوسری جانب سندھ حکومت نے بھی مختلف جیلوں سے تحریک انصاف کے کارکنوں سمیت 30 زیر حراست شہریوں کو رہا کردیا۔
