اردوورلڈ کینیڈا ( ویب نیوز ) اسرائیل نے پولیو کے قطرے پلانے کے لیے صبح 6 بجے سے سہ پہر 3 بجے تک وقفے پر آمادگی ظاہر کی ہے۔ غزہ میں پولیو کے قطرے پلانے کی مہم یکم ستمبر سے شروع کی جائے گی۔عالمی ادارہ صحت کا مزید کہنا ہے کہ پولیو ویکسینیشن کے دوران غزہ جنگ میں انسانی بنیادوں پر وقفہ ہوگا۔عرب میڈیا کے مطابق غزہ میں 5 روز قبل 25 سال بعد پولیو کا پہلا کیس سامنے آیا تھا۔ غزہ میں دس ماہ کے بچے میں پولیو وائرس کی تشخیص ہوئی ہے۔

اقوام متحدہ کے مطابق غزہ میں 640,000 سے زائد بچوں کو پولیو کے قطرے پلانے کی ضرورت ہے۔قبل ازیں اسرائیلی وزیراعظم بنجمن نیتن یاہو کے دفتر نے ان خبروں کی تردید کی تھی کہ ان کے ملک نے غزہ میں بچوں کو پولیو کے قطرے پلانے کے لیے انسانی بنیادوں پر جنگ بندی کی امریکی درخواست پر اتفاق کیا ہے۔واضح رہے کہ غزہ پر اسرائیلی بمباری کے نتیجے میں 7 اکتوبر 2023 سے اب تک 40 ہزار سے زائد فلسطینی شہید جب کہ 92 ہزار سے زائد زخمی ہوچکے ہیں، جن میں اکثریت خواتین اور بچوں کی ہے جب کہ ہزاروں فلسطینی زخمی ہیں۔