اردو ورلڈ کینیڈا ( ویب نیوز )ملک بھر سے سیاسی رہنماؤں کی پاکستان پیپلز پارٹی میں شمولیت کا سلسلہ جاری ہے۔پی پی 101 فیصل آباد سے شمشیر خان وٹو، پی پی 96 چنیوٹ ڈاکٹر فخر النساء نے چیئرمین پاکستان پیپلز پارٹی بلاول بھٹو زرداری سے ملاقات کی اور پیپلز پارٹی میں شمولیت کا اعلان کیا۔
پی پی 73 سے زاہد غوری اور سہیل الیاس، سرگودھا سے کاشف ممتاز گجر نے بلاول بھٹو زرداری سے ملاقات کی اور پیپلز پارٹی میں شمولیت کا اعلان کیا۔ اس موقع پر پی پی پی کے مرکزی رہنما ندیم افضل چن، پی پی پی کسان ونگ کے صدر عنایت علی شاہ اور سیکریٹری ریکارڈ اینڈ ایونٹ پی پی پی سینٹرل پنجاب احسن رضوی موجود تھے۔
سابق ایم این اے آفتاب خان کھچی، شہزاد احمد خان کھچی، سابق ایم پی اے افضل خان کھچی اور وہاڑی سے طاہر خان کھچی، بہاولنگر سے ق لیگ کے صاحبزادہ عابد مہاروی اور اکرم خان کانجو نے چیئرمین بلاول بھٹو زرداری سے ملاقات کی اور پیپلز پارٹی میں شمولیت کا اعلان کیا۔
چیئرمین پاکستان پیپلز پارٹی بلاول بھٹو زرداری سے ملاقات میں لودھراں سے سابق ایم پی اے علی خان کانجو، میاں محمد علی پیرزادہ، پی پی 129 سے محمد نوازش علی خان نے بھی پیپلز پارٹی میں شمولیت کا اعلان کیا۔
