26 یونین کونسلز کی نشستوں پر 116 امیدوار آمنے سامنے ہیں، صوبے بھر میں 182 پولنگ اسٹیشنز قائم کیے گئے ہیں۔

شہر قائد میں چیئرمین، وائس چیئرمین اور جنرل ممبر کی 9 نشستوں کے لیے پولنگ جاری ہے، 9 نشستوں پر پیپلز پارٹی، جماعت اسلامی اور پی ٹی آئی سمیت 54 امیدوار میدان میں ہیں۔

ضلع ملیر، ضلع کیماڑی، ضلع جنوبی میں چیئرمینوں کی نشستوں پر انتخابات ہورہے ہیں جبکہ ضلع ملیر اور ضلع جنوبی میں وائس چیئرمین کی نشستوں پر بھی پولنگ جاری ہے۔

ضلع ملیر، ضلع مشرقی اور ضلع وسطی میں وارڈ ممبران کی نشستوں پر انتخابات ہو رہے ہیں۔

ضمنی انتخابی حلقوں میں رجسٹرڈ ووٹرز کی تعداد 2 لاکھ 6 ہزار 686 ہے، شہر قائد کے تمام 121 پولنگ اسٹیشنز کو حساس اور انتہائی حساس قرار دیا گیا ہے۔