اردو ورلڈ کینیڈا ( ویب نیوز ) انار جیسی لذیذ غذا کو ناشتے کا لازمی حصہ ہونا چاہیے کیونکہ اس میں بے شمار فائدہ مند کیمیائی اجزا، الیکٹرولائٹس، فلیونولز اور منرلز پائے جاتے ہیں۔
انار کو بڑھاپے کو روکنے سے لے کر دل کو مضبوط بنانے تک۔اسے اپنے اینٹی آکسیڈنٹس کی وجہ سے ‘سپر فوڈ کہا جاتا ہے۔
اینٹی آکسیڈنٹس
اس میں سبز چائے سے تین گنا زیادہ اینٹی آکسیڈنٹس ہوتے ہیں۔ اس میں موجود ایک کیمیکل پیونی کیلگین جسم میں فری ریڈیکلز کو روکتا ہے۔ دلچسپ بات یہ ہے کہ یہی اجزاء دل کی دھڑکن کو معمول پر لانے میں مدد دیتے ہیں۔ اینٹی آکسیڈنٹس جلد پر جھریوں کی تشکیل کو روکتے ہیں اور عمر بڑھنے کو کم کرتے ہیں۔
ہیموگلوبن
انار کا ایک اور فائدہ یہ ہے کہ یہ ہیموگلوبن کو بڑھاتا ہے جو خون میں رہتے ہوئے ہر عضو تک آکسیجن پہنچاتا ہے۔ اس کا نظریہ یہ ہے کہ ہر عضو تک آکسیجن پہنچنے سے تمام اعضاء فائدہ اٹھائیں گے اور ان کے افعال بہتر ہوں گے۔ واشنگٹن یونیورسٹی نے حال ہی میں اناروں میں ‘urolithin’ دریافت کیا ہے، جو عمر بڑھنے اور جلد کی لچک میں بے مثال ہے۔ پھر 2021 میں تھائی سائنسدانوں نے اس کی مزید تصدیق کی۔
کولیسٹرول
سپر فوڈ انار دل کو تقویت دینے والے اجزاء سے بھرپور ہوتا ہے، بشمول الیکٹرولائٹس۔ اس کے علاوہ یہ ایل ڈی ایل کولیسٹرول کو کم کرتا ہے اور دل کی شریانوں کو تنگ ہونے سے روکتا ہے۔ اس میں کوئی شک نہیں کہ اس سے جسم کی چربی کم ہوتی ہے۔ پھر اس میں موجود پوٹاشیم اور میگنیشیم نہ صرف بلڈ پریشر کو کنٹرول میں رکھتا ہے بلکہ خون کی روانی کو بھی بہتر بناتا ہے۔
بلڈ پریشر
2017 میں جب سینکڑوں لوگوں کو باقاعدگی سے انار کا جوس دیا گیا تو ان کے بلڈ پریشر میں بھی نمایاں کمی دیکھی گئی۔ دوسری جانب یہ وزن کم کرنے میں بھی بہت مددگار ثابت ہوا ہے۔ انار میں موجود کئی اہم اجزا ٹائپ ٹو ذیابیطس کو کنٹرول کرنے میں بہت مددگار ثابت ہوئے ہیں۔
