— اردو ورلڈ کینیڈا ( ویب نیوز ) پرتگال کے عالمی شہرت یافتہ فٹبالر کرسٹیانو رونالڈ ونے سعودی عرب کے فٹبال کلب النصر کے ساتھ اپنے معاہدے کی مدت میں توسیع کر دی ہے،
جس کے بعد وہ 2027 تک النصر کلب کی نمائندگی کرتے رہیں گے۔ اس نئے معاہدے کے تحت رونالڈو کو سالانہ 188 ملین یورو یعنی تقریباً61.5 ارب پاکستانی روپے** ادا کیے جائیں گے، جو دنیا بھر کے فٹبال معاہدوں میں سے ایک سب سے مہنگا معاہدہ تصور کیا جا رہ ہے۔میڈیا رپورٹس کے مطابق، رونالڈو کی یومیہ تنخواہ 168.4 ملین پاکستانی روپے بنتی ہے، جو نہ صرف کھیلوں بلکہ دنیا کے دیگر شعبوں میں کام کرنے والے کسی بھی انفرادی کھلاڑی یا سیلبریٹی سے کہیں زیادہ ہے۔ یہ رقم فٹبال کی تاریخ میں تنخواہ کے لحاظ سے ایک نیا ریکارڈ ہے۔واضح رہے کہ رونالڈو نے 2022 میں النصر کے ساتھ پہلی بار معاہدہ کیا تھا، جب وہ یورپ کی اعلیٰ سطح کی فٹبال لیگز کو خیرباد کہہ کر مشرق وسطیٰ منتقل ہوئے۔ تب ان کا یہ فیصلہ دنیا بھر میں موضوعِ بحث بنا رہا۔ النصر کے ساتھ ان کی شمولیت سے سعودی پرو لیگ میں بین الاقوامی دلچسپی میں نمایاں اضافہ ہوا۔
اگرچہ اس نئے معاہدے کے تحت رونالڈو 2027 تک النصر کا حصہ رہیں گے۔
عالمی میڈیا میں یہ قیاس آرائیاں جاری ہیں کہ وہ ریٹائرمنٹ کے بعد النصر کے ساتھ برانڈ ایمبیسیڈر یا فٹبال ڈویلپمنٹ ڈائریکٹر کے طور پر کام کر سکتے ہیں۔ کچھ رپورٹس میں یہ بھی دعویٰ کیا گیا ہے کہ سعودی عرب کی اسپورٹس پالیسی میں رونالڈو کو اہم کردار دینے کی منصوبہ بندی کی جا رہی ہے، تاکہ نوجوان کھلاڑیوں کی تربیت میں ان کا تجربہ بروئے کار لایا جا سکے۔کرسٹیانو رونالڈو کی موجودگی نہ صرف النصر بلکہ پوری سعودی پرو لیگ کے لیے ایک اعزاز تصور کی جا رہی ہے۔ سعودی عرب، جو 2034 کے فیفا ورلڈ کپ کی میزبانی کی تیاری کر رہا ہے، اپنی اسپورٹس انڈسٹری کو عالمی معیار تک لے جانے کے لیے بڑے عالمی اسٹارز کو شامل کر رہا ہے۔ رونالڈو، لیونل میسی، نیمار اور دیگر معروف کھلاڑیوں کو مشرق وسطیٰ میں لانے کی پالیسی اسی منصوبے کا حصہ ہے۔کرسٹیانو رونالڈو کا النصر کے ساتھ معاہدہ نہ صرف فٹبال کی دنیا کے لیے ایک بڑی خبر ہے بلکہ سعودی عرب کے کھیلوں کے عالمی ویژن کی بھی نمائندگی کرتا ہے۔ 2027 تک النصر کا حصہ رہنے کے بعد یہ امکان ہے کہ رونالڈو سعودی عرب میں فٹبال کے فروغ میں ایک اہم کردار ادا کریں گے۔
