اردوورلڈ کینیڈا( ویب نیوز)پیپلز پارٹی نے آئینی ترامیم کے حوالے سے جمعیت علمائے اسلام (ف) سے رابطہ کیا ہے۔
ذرائع کے مطابق ترجمان بلاول بھٹو مرتضیٰ وہاب نے جے یو آئی کے رہنما کامران مرتضیٰ سے رابطہ کیا اور جے یو آئی سے آئینی ترامیم کا مسودہ تیار کرنے کی درخواست کی اور کہا کہ وہ اپنا ڈرافٹ تیار کرکے ہمیں دیں پھر ہم اس پر مذاکرات کریں گے۔
ذرائع کے مطابق کامران مرتضیٰ نے پیپلز پارٹی کی درخواست مسترد کرتے ہوئے پیپلز پارٹی سے کہا کہ وہ آئینی معاملات کو مدنظر رکھتے ہوئے مسودہ تیار کرے۔
کامران مرتضیٰ نے کہا کہ آپ ہمارے پاس آئے تھے، آپ پہلے اپنا ڈرافٹ دیں اور اس بات کا خیال رکھیں کہ ڈرافٹ کسی شخصیت کو ذہن میں رکھ کر نہ ہو بلکہ آئینی اور قانونی معاملات کو بہتر بنانے کے لیے کیا جائے۔ جے یو آئی (ف) مسودہ موصول ہونے کے بعد ہی پی ٹی آئی سے مشاورت کرے گی۔