اردو ورلڈ کینیڈا ( ویب نیوز )مہنگائی کے ہاتھوں پسے عوام پر بجلی کے بعد گیس بم گرانے کی تیاریاں ذرائع کے مطابق آج ہونے والے اقتصادی رابطہ کمیٹی کے اجلاس میں گیس کی قیمتوں میں اضافے کی منظوری د ئیے جانے کا امکان ہے۔

ذرائع کا کہنا ہے کہ گیس کی قیمتوں میں ممکنہ اضافہ یکم جنوری 2023 سے ہو گا۔ای سی سی کے آج کے اجلاس کا یک نکاتی ایجنڈا گیس کی قیمتوں میں اضافہ ہے۔
عوام بجلی کے منصوبوں کے لیے قرضوں پر سود ادا کریں گے
آئل اینڈ گیس ریگولیٹری اتھارٹی پہلے ہی گیس کی قیمتوں میں اضافے کا فیصلہ کر چکی ہے، انٹرنیشنل مانیٹری فنڈ کی ایک اور شرط ای سی سی کی منظوری سے پوری کی جائے گی۔
واضح رہے کہ 10 فروری کو ہونے والے ای سی سی کے اجلاس میں فیصلہ کیا گیا تھا کہ بجلی کے منصوبوں کے لیے حاصل کیے گئے قرض پر سود کی رقم بھی عوام ادا کریں گے۔
اجلاس میں بجلی کے صارفین پر ایک روپے فی یونٹ ہیڈ چارج لگانے کی منظوری دی گئی، سرچارج کا اطلاق 300 یونٹ سے زائد بجلی استعمال کرنے والے گھریلو صارفین پر ہوگا، فنانس سرچارج کے ذریعے بجلی کے صارفین سے 76 ارب روپے وصول کیے جائیں گے۔
ای سی سی کے اعلامیے کے مطابق بجلی کے بلوں پر فنانس سرچارج کا اطلاق رواں سال مارچ سے جون تک ہوگا۔