اردوورلڈ کینیڈا( ویب نیوز)مہنگائی کے بوجھ تلے دبے عوام پر ایک اور بجلی کا بم گرانے کی تیاریاں کی جا رہی ہیں۔سینٹرل پاور پرچیزنگ ایجنسی (سی پی پی اے) نے نیشنل الیکٹرک پاور ریگولیٹری اتھارٹی (نیپرا) کو بجلی کی فی یونٹ قیمت میں 2 روپے 63 پیسے اضافے کے لیے نظرثانی شدہ درخواست جمع کرادی۔
بجلی کی قیمتوں میں اضافہ سی پی پی اے نے جون 2024 کی ماہانہ فیول پرائس ایڈجسٹمنٹ کے تناظر میں طلب کیا ہے، سی پی پی اے کی درخواست پر سماعت 31 جولائی کو نیپرا میں ہوگی۔
واضح رہے کہ سنٹرل پاور پرچیزنگ ایجنسی نے اس سے قبل بجلی کی قیمت میں 2 روپے 11 پیسے فی یونٹ اضافے کی درخواست جمع کرائی تھی۔