ishtiaq ahmed 
اردوورلڈ کینیڈا( ویب نیوز)صدر آصف علی زرداری نے ایوان صدر میں مختلف سیاسی جماعتوں کے ارکان پارلیمنٹ کے اعزاز میں عشائیہ دیا۔
اجلاس میں چیئرمین سینیٹ، گورنر پنجاب اور خیبرپختونخوا، وزیراعلیٰ بلوچستان، اے این پی کے صدر و سینیٹر ا یمل ولی خان، وفاقی وزیر چوہدری سالک حسین، سابق نگراں وزیراعظم و سینیٹر انوار الحق کاکڑ، استحکام پاکستان پارٹی کے صدر عبدالعلیم خان سمیت دیگر نے بھی شرکت کی۔
صدر آصف علی زرداری نے پارلیمانی جمہوریت کو مزید مستحکم کرنے اور سیاسی استحکام کو فروغ دینے کی ضرورت پر زور دیا۔ انہوں نے کہا کہ ملک کو سیاسی، معاشی اور سیکیورٹی چیلنجز سے نکالنے کے لیے سیاسی اتحاد کی ضرورت ہے۔
آصف علی زرداری نے رواداری اور باہمی احترام کے فروغ، جمہوری اداروں کو مضبوط بنانے پر زور دیا، انہوں نے کہا کہ خدمات کی فراہمی اور معاشی خوشحالی میں بہتری کے لیے سیاسی، معاشی اور گورننس اصلاحات ناگزیر ہیں۔
صدر نے کہا کہ عوام کی فلاح و بہبود کے لیے گروہی مفادات سے بالاتر ہو کر ملک کو نقصان پہنچانے والی محاذ آرائی کی سیاست کے خلاف فیصلہ کن کام کرنا ہو گا۔
21
