اردو ورلڈ کینیڈا ( ویب نیوز)ڈرگ ریگولیٹری اتھارٹی نے 110 سے زائد ادویات کی قیمتوں میں اضافے کی سفارش کی ہے۔

وفاقی وزارت صحت کے مطابق پاکستان میں کینسر، نفسیاتی امراض اور اعضاء کی پیوند کاری سمیت زندگی بچانے والی ادویات کی کمی ہے۔ قیمتوں میں اضافہ نہ ہونے کی وجہ سے کمپنیوں نے ادویات بنانا بند کر دی ہیں۔

وفاقی وزارت صحت کا کہنا ہے کہ ڈریپ نے 110 سے زائد ادویات کی قیمتوں میں اضافے کی سفارش کی ہے۔

وفاقی وزارت صحت کے حکام کا کہنا ہے کہ ڈریپ کو ادویات کی قیمتوں میں اضافے کی 400 سے زائد درخواستیں موصول ہوئی ہیں۔ ملک میں بے ہوشی کے علاوہ دیگر بیماریوں کے علاج کے لیے ادویات کی بھی قلت ہے۔