اردو ورلڈ کینیڈا ( ویب نیوز ) سعودی ولی عہد شہزادہ محمد بن سلمان سے وزیر اعظم پاکستان میاں شہباز شریف کی ملاقات ۔
دو طرفہ تعلقات اور باہمی مفاد کے معاملات پر بات چیت ،وزیراعظم شہباز شریف بدھ کو ایک وفد کے ساتھ چار روزہ دورے پر سعودی عرب پہنچے جہاں مکہ کے نائب گورنر شہزادہ سعود نے وزیراعظم کا استقبال کیا۔آرمی چیف جنرل عاصم منیر، نائب وزیر اعظم اسحاق ڈار اور پنجاب کی وزیر اعلیٰ مریم نواز بھی موجود تھیں۔بعد ازاں وزیراعظم شہباز شریف نے جدہ میں سعودی ولی عہد شہزادہ محمد بن سلمان سے ملاقات کی۔. اس موقع پر آرمی چیف جنرل عاصم منیر، نائب وزیر اعظم اسحاق ڈار اور پنجاب کی وزیر اعلیٰ مریم نواز بھی موجود تھے۔
وزیراعظم شہباز شریف اور شہزادہ محمد بن سلمان کے درمیان ہونے والی ملاقات میں علاقائی اور بین الاقوامی صورتحال پر بھی تبادلہ خیال کیا گیا جبکہ پاک سعودی سرمایہ کاری اور تجارتی امور پر تبادلہ خیال کیا گیا۔وزیراعظم اور سعودی ولی عہد نے پاکستان اور سعودی عرب کے درمیان مضبوط اور تاریخی تعلقات کی اہمیت پر زور دیا جبکہ اجلاس میں اقتصادی، تجارت، سرمایہ کاری، توانائی اور دفاعی شعبوں میں تعاون بڑھانے پر تبادلہ خیال کیا گیا۔پاکستان اور سعودی عرب کے درمیان بڑھتے ہوئے اقتصادی تعاون پر اطمینان کا اظہار،پاکستان اور سعودی عرب کے درمیان بڑھتے ہوئے اقتصادی تعاون پر اطمینان کا اظہار کیا گیا .
وزیراعظم نے اہم شعبوں میں سرمایہ کاری بڑھانے کے لیے سعودی عرب کے عزم کو سراہتے ہوئے دونوں رہنماؤں نے دفاع اور سلامتی کے تعاون کو مضبوط بنانے کے عزم کا اعادہ کیا۔شہباز شریف اور محمد بن سلمان نے علاقائی صورتحال کے ساتھ ساتھ خطے کے سیاسی منظر نامے پر بھی تبادلہ خیال کیا اور خطے میں استحکام اور خوشحالی کے لیے مشترکہ وژن کو فروغ دینے کے لیے مل کر کام کرنے پر اتفاق کیا۔اس موقع پر شہزادہ محمد بن سلمان نے سعودی عرب میں پاکستانی کمیونٹی کی شاندار خدمات کا اعتراف کیا اور سعودی عرب میں پاکستانی کمیونٹی کی فلاح و بہبود کے لیے اقدامات بڑھانے پر اتفاق کیا گیا۔شہزادہ محمد بن سلمان سعودی عرب میں پاکستانی کمیونٹی کی شاندار خدمات کو تسلیم کرتے ہیں۔
