88
اردوورلڈ کینیڈا( ویب نیوز)وزیر اعظم میاں محمد شہباز شریف نے خرابی صحت کے باعث اپنا دورہ ایران ملتوی کر دیا۔تفصیلات کے مطابق وزیر اعظم شہباز شریف کی طبیعت گزشتہ روز اچانک خراب ہو گئی جس کے باعث انہوں نے اپنی تمام مصروفیات منسوخ کر دیں، ڈاکٹروں نے وزیر اعظم کو مکمل آرام کا مشورہ دیا ہے۔
ذرائع کے مطابق وزیر اعظم میاں شہباز شریف نے بھی خرابی صحت کے باعث دورہ ایران ملتوی کر دیا۔
وزیراعظم کی جانب سے دورہ ملتوی کرنے کے بعد نائب وزیراعظم اسحاق ڈار آج اپنے وفد کے ہمراہ ایران پہنچیں گے۔
دفتر خارجہ کے ترجمان نے ایک بیان میں کہا ہے کہ ایران کے منتخب صدر کی تقریب حلف برداری میں شرکت کے لیے نائب وزیراعظم اور وزیر خارجہ کا دورہ دونوں ممالک کے تعلقات اور دوطرفہ تعاون کو مضبوط بنانے کے عزم کی تصدیق کرتا ہے۔
