15
اردوورلڈکینیڈا( ویب نیوز)وزیراعظم محمد شہباز شریف آج نیویارک میں اقوام متحدہ جنرل اسمبلی کے 80ویں اجلاس میں پاکستان کا موقف پیش کریں گے۔
اجلاس کے باضابطہ افتتاحی سیشن میں شرکت کے بعد وہ امریکا اور قطر کی میزبانی میں ہونے والے عرب و اسلامی ممالک کے خصوصی سربراہی اجلاس میں بھی شریک ہوں گے، جہاں امریکی صدر ڈونلڈ ٹرمپ سمیت متعدد عالمی رہنما موجود ہوں گے۔ اس اجلاس میں وزیراعظم کو خصوصی طور پر مدعو کیا گیا ہے۔
دورے کے دوران وزیراعظم کا شیڈول انتہائی مصروف ہوگا۔ وہ آسٹریا کی چانسلر کرسٹینا اسٹاکر، کویت کے ولی عہد و وزیراعظم شیخ صباح الخالد، عالمی بینک کے صدر اجے بنگا اور آئی ایم ایف کی مینجنگ ڈائریکٹر کرسٹالینا جارجیوا سے الگ الگ ملاقاتیں کریں گے، جن میں معاشی تعاون، سرمایہ کاری اور ترقیاتی اقدامات پر تبادلہ خیال متوقع ہے۔
وزیراعظم شہباز شریف گلوبل ڈیولپمنٹ انیشی ایٹو کے اعلیٰ سطحی اجلاس میں بھی شریک ہوں گے اور پاکستان کا مؤقف پیش کرتے ہوئے ترقیاتی اہداف پر خطاب کریں گے۔
