اردوورلڈ کینیڈا ( ویب نیوز)وزیراعظم شہباز شریف نے نگران سیٹ اپ اور نگران وزیراعظم کے معاملے پر مشاورت کے لیے مذاکراتی کمیٹی تشکیل دے دی۔

اسمبلیاں 12 اگست کو تحلیل ہوئیں تو 11 اکتوبر، قبل ازوقت تحلیل کی گئیں تو 90 دن میں الیکشن کروا دینگے ، الیکشن کمیشن

تفصیلات کے مطابق مسلم لیگ ن نے نگران سیٹ اپ پر مشاورت کے لیے 5 رکنی مذاکراتی کمیٹی تشکیل دے دی، مسلم لیگ (ن) کے سینئر رہنماؤں پر مشتمل کمیٹی کو اہم ٹاسک سونپا گیا۔

ذرائع کے مطابق مذاکراتی کمیٹی میں خواجہ آصف، خواجہ سعد رفیق، احسن اقبال، سردار ایاز صادق اور اسحاق ڈار شامل ہیں۔

ذرائع کا کہنا ہے کہ شہباز شریف نے اتحادی جماعتوں کو مذاکراتی کمیٹی بنانے کی ہدایت بھی کی، مسلم لیگ (ن) کی مذاکراتی کمیٹی پارٹی قائد نواز شریف سے براہ راست رابطے میں ہوگی، کمیٹی قومی اسمبلی کی تحلیل اور نگرا ن وزیراعظم سمیت سیاسی امور پر بات چیت کرے گی۔