اردوورلڈ کینیڈا ( ویب نیوز)وزیراعظم شہباز شریف کا کہنا ہے کہ یہ درست ہے کہ آئی ایم ایف کے ساتھ مل کر بجٹ بنایا جو ہماری مجبوری تھی۔
وزیر اعظم شہباز شریف نے قومی اسمبلی میں اظہار خیال کرتے ہوئے کہا کہ آئی ایم ایف کا جواب آج آیا تو کل ایوان میں بتائیں گے، امید ہے اچھی خبر ملے گی۔
انہوں نے کہا کہ بجٹ میں جنوبی پنجاب کی آبادی سے زیادہ رقم مختص کی گئی ہے، ہماری حکومت نے جنوبی پنجاب میں باقی پنجاب کے مقابلے 10 فیصد زیادہ لیپ ٹاپ دیے ہیں، جنوبی پنجاب میں وفاقی حکومت کے منصوبے پنجاب نے بنائے ہیں، پاکستان ورکس ڈیپارٹمنٹ کو ختم کر دیا گیا ہے۔
شہباز شریف کا مزید کہنا تھا کہ پہلے پی ڈبلیو ڈی میں لڑائی ہوتی تھی، محکمہ پی ڈبلیو ڈی کو ختم کرنے کا فیصلہ کیا گیا ہے، پاکستان ورکس ڈیپارٹمنٹ میں ناقابل بیان کرپشن ہے، ڈائون سائزنگ، کمی کے لیے وزیر خزانہ کی سربراہی میں کمیٹی بنا دی ہے۔ اخراجات نتائج ایوان میں پیش کیے جائیں گے۔