اردوورلڈ کینیڈا( ویب نیوز)وزیر اعظم شہباز شریف نے ترک صدر سے ملاقات کی ہے جس میں تجارت اور دفاع میں مزید تعاون پر اتفاق کیا گیا ہے۔
وزیراعظم آفس کے پریس ونگ سے جاری بیان کے مطابق وزیراعظم نے اقوام متحدہ کی جنرل اسمبلی کے 79ویں اجلاس کے موقع پر ترک صدر سے دوطرفہ ملاقات کی، جس میں دونوں رہنماؤں نے دو طرفہ امور پر تبادلہ خیال کیا۔ اس موقع پر تجارت، سرمایہ کاری، دفاع اور سلامتی کے شعبوں میں باہمی فائدہ مند تعاون کو مزید مضبوط بنانے پر اتفاق کیا گیا
شہباز شریف اور رجب طیب اردوان نے مستقبل قریب میں اسلام آباد میں ہونے والے پاکستان ترکی ہائی لیول اسٹریٹجک کوآپریشن کونسل (HLSCC) کے ساتویں اجلاس کی تیاریوں کا جائزہ لیا۔
دونوں رہنماؤں نے علاقائی اور عالمی مسائل بالخصوص غزہ میں جاری نسل کشی اور سنگین انسانی صورتحال پر بھی تبادلہ خیال کیا۔ انہوں نے فوری طور پر انسانی بنیادوں پر جنگ بندی اور غزہ میں کشیدگی کے خاتمے کا مطالبہ کیا۔
23
