وزیر اعظم کا ووٹ ن لیگ کو دینگے،حکومت میں شامل نہیں ہونگے،بلاول بھٹو

81

بلاول بھٹو نے کہا کہ آج پیپلز پارٹی کی مرکزی ایگزیکٹو کمیٹی کا اجلاس ہوا، اجلاس میں ملک کی موجودہ سیاسی صورتحال پر تبادلہ خیال کیا گیا.
چیئرمین پیپلز پارٹی نے کہا کہ پاکستان پیپلز پارٹی کے پاس مرکز میں حکومت بنانے کا مطلوبہ مینڈیٹ نہیں ہے، اس لیے میں وزیر اعظم کا امیدوار نہیں ہوں.
بلاول بھٹو زرداری نے کہا کہ پی ٹی آئی نے فیصلہ کیا ہے کہ وہ پی پی پی سے بات نہیں کرے گی، مسلم لیگ ن نے ہمیں حکومت بنانے کی دعوت دی تھی۔ حکومت کی کابینہ میں شامل نہیں ہوں گے.
انہوں نے کہا کہ پیپلز پارٹی ملک میں سیاسی انتشار اور بحران نہیں چاہتی، وہ خود کو وزیراعظم کی دوڑ میں شامل نہیں کرتی، ہم ملک میں سیاسی عدم استحکام بھی دیکھ رہے ہیں
چیئرمین پیپلز پارٹی نے کہا کہ سی ای سی کے ارکان نے مسلم لیگ ن کے حوالے سے بہت سے اعتراضات کا اظہار کیا، وہ انتخابی نتائج کو احتجاج کے ساتھ قبول کریں گے، سی ای سی میں لوگوں نے کہا کہ ہمارا کام 18 ماہ میں نہیں ہوا ہے، ای سی انتخابات سے متعلق تمام شکایات جمع کرے گا.
بلاول بھٹو نے کہا کہ پیپلز پارٹی کا اصولی فیصلہ ملک کو بحرانوں سے نکالنا ہے، حکومت سازی اور سیاسی استحکام کے عمل کے لیے ایک کمیٹی تشکیل دی گئی ہے، یہ کمیٹی تمام سیاسی جماعتوں سے رابطہ کرے گی