اردو ورلڈ کینیڈا ( ویب نیوز )ڈالر ملک سے باہر لے جانے کے لیے ڈیبٹ اور کریڈٹ کارڈز کے استعمال پر ٹیکس بڑھانے کی تجویز دی گئی ہے۔

تفصیلات کے مطابق بجٹ میں آف شور ڈیجیٹل سروسز پر ٹیکس 10 سے بڑھا کر 15 فیصد، سمندر پار پاکستانیوں کے لیے ٹیکس میں رعایت، سمندر پار پاکستانیوں کے کرائے کی آمدنی پر ود ہولڈنگ ٹیکس کی شرح 2 سے کم کر کے 1 فیصد کر دی گئی ہے۔

بیرون ملک مقیم پاکستانیوں کی جانب سے جائیداد کی خریداری پر ود ہولڈنگ ٹیکس کو 2 فیصد سے کم کرکے 1 فیصد کرنے اور بیرون ملک مقیم پاکستانیوں کے سالانہ کرائے کی آمدنی پر 10 فیصد ٹیکس مقرر کرنے کی تجویز دی گئی ہے۔

بجٹ میں تعمیراتی سامان کی سپلائی پر ٹیکس 4 سے بڑھا کر 5 فیصد، ٹھیکیداروں پر 7 سال کے لیے 4.5 سے 5.5 فیصد ٹیکس اور 15 کروڑ سے 20 کروڑ روپے سالانہ کے منافع پر ایک فیصد سپر ٹیکس کی تجویز ہے۔ .