اردوورلڈ کینیڈا( ویب نیوز)اسلام آباد کی انسداد دہشت گردی عدالت نمبر 1 نے 26 نومبر اور سپریم کورٹ کے باہر احتجاج کے مقدمات میں بیرسٹر گوہر، بشریٰ بی بی اور دیگر پی ٹی آئی رہنماؤں کی عبوری ضمانت 8 ستمبر تک بڑھا دی ہے۔

ڈیوٹی جج طاہر عباس سپرا نے کل مجموعی طور پر 230 ضمانت قبل گرفتاری کی درخواستوں کی سماعت کی۔ سماعت میں بیرسٹر گوہر، زرتاج گل، عمیر نیازی، لطیف کھوسہ سمیت دیگر رہنماؤں نے عدالت پیش ہو کر ضمانت کی درخواست دائر کی، تاہم ابھی کسی پر دلائل مکمل نہیں ہوسکے۔
عدالت نے بشریٰ بی بی، سلمان اکرم راجا، شیر افضل مروت، عمر ایوب اور شبلی فراز جیسی شخصیات کی حاضری سے استثنیٰ کے درخواستیں قبول کر کے انہیں پیشی سے مستثنیٰ کیا۔واضح رہے کہ پی ٹی آئی رہنماؤں کے خلاف تھانہ مارگلہ، رمنا، کوہسار اور دیگر تھانوں میں 19 مقدمات درج ہیں، جن میں یہ سب ملزم ہیں۔