اردو ورلڈ کینیڈا ( ویب نیوز ) پاکستان کے سٹار بلے باز بابر اعظم کو پی ایس ایل 8 میں پشاور زلمی کا کپتان مقرر کر لیا گیا

قومی ٹیم کے کپتان بابر اعظم نے پی ایس ایل 8 میں پشاور زلمی کا کپتان بنائے جانے پر کہا ہے کہ ٹیم کی قیادت کرنا اعزاز کی بات ہے
اور وہ نئے چیلنج کے لیے پرجوش ہیں۔

بابر اعظم نے کہا کہ پشاور زلمی پی ایس ایل کی بہترین ٹیموں میں سے ایک ہے اور مسلسل کارکردگی کی حامل ٹیم ہے

انہوں نے کہا کہ پی ایس ایل میں پشاور زلمی کی اچھی کارکردگی کے لیے پر امید ہوں

یہ بھی پڑھیں

چیئرمین پشاور زلمی جاوید آفریدی نے کہا ہے کہ بابر اعظم کی کپتانی میں ٹیم پی ایس ایل میں شاندار کارکردگی دکھائے گی

قومی کرکٹر سٹار بلے باز بابر اعظم کی ورلڈ کلاس بیٹنگ اور کپتانی کا تجربہ پشاور زلمی کو بھر پور مدد دے گا۔

ڈائریکٹر کرکٹ پشاور زلمی محمد اکرم کا کہنا ہے کہ بابر اعظم کو زلمی کے عزم اور کپتانی پر فخر ہے ۔

بابر اعظم کی قیادت میں پاکستان نے ورلڈ ٹی ٹوئنٹی اور ایشیا کپ کا فائنل کھیلا۔