اردو ورلڈ کینیڈا ( ویب نیوز ) پاکستان سپر لیگ ایڈیشن 8 کے شیڈول کا اعلان جمعہ کو متوقع ہے۔ ذرائع کا کہنا ہے کہ پی سی بی حکام کل پی ایس ایل فرنچائزرز سے شیڈول کے حوالے سے حتمی مشاورت کریں گے، پی ایس ایل کی افتتاحی تقریب اب تک کے شیڈول کے مطابق ملتان میں ہوگی۔ذرائع کے مطابق پی ایس ایل کا آغاز 13 فروری سے ہوگا اور فائنل 19 مارچ کو ہوگا، ٹورنامنٹ کے میچز 4 مقامات پر کھیلے جائیں گے۔

یہ بھی پڑھیں

پی ایس ایل 8 کیلئے ٹیموں کی تشکیل کا عمل مکمل

میچز لاہور، ملتان، راولپنڈی اور کراچی میں ہوں گے۔ذرائع کا کہنا ہے کہ ملتان اور کراچی میں ایک ساتھ جبکہ لاہور اور راولپنڈی میں ایک ساتھ ہوں گے۔ذرائع کے مطابق پی ایس ایل کوئٹہ میں نمائشی میچ کے انعقاد کی حکمت عملی پر غور کر رہی ہے، نمائشی میچ پشاور اور کوئٹہ کی ٹیموں کے درمیان ہوگا۔