اردو ورلڈ کینڈا ( ویب نیوز ) ملتان کرکٹ سٹیڈیم میں کھیلے گئے پاکستان سپر لیگ (پی ایس ایل) کے آٹھویں ایڈیشن کے افتتاحی میچ میں ملتان سلطانز مقررہ 20 اوورز میں 176 رنز کے تعاقب میں 6 وکٹوں کے نقصان پر 174 رنز بنا سکی۔

ملتان سلطانز کی جانب سے کپتان محمد رضوان نے 75 رنز بنائے۔ شان مسعود 35، ڈیوڈ ملر 25 اور کیرون پولارڈ 19 رنز بنا کر نمایاں رہے۔لاہور قلندرز کی جانب سے کپتان شاہین شاہ آفریدی، حارث رؤف، حسین طلعت اور زمان خان نے ایک، ایک وکٹ حاصل کی۔

اس سے قبل لاہور قلندرز نے ملتان سلطانز کی دعوت پر پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 175 رنز بنائے۔لاہور قلندرز کی جانب سے فخر زمان نے 66 رنز بنائے۔

مرزا طاہر بیگ نے 32، حسین طلعت نے 20 اور شائی ہوپ نے 19 رنز بنائے۔سکندر رضا 19 رنز بنانے کے بعد ناٹ آؤٹ پویلین لوٹ گئے۔ملتان سلطانز کی جانب سے احسان اللہ اور اسامہ میر نے 2,2 جبکہ عقیل حسین اور شاہنواز درمانی نے 1,1 وکٹ حاصل کی۔