ارد و ورلڈ کینیڈا ( ویب نیوز ) اسلام آباد یونائیٹڈ اور کوئٹہ گلیڈی ایٹرز کے درمیان میچ آج راولپنڈی میں شیڈول کے مطابق ہوگا۔

پی سی بی کا کہنا ہے کہ میچ کا ٹاس شام ساڑھے 7 بجے ہوگا اور میچ رات 8 بجے شروع ہوگا، پی ایس ایل 10 کے بقیہ میچز میں کوئی تبدیلی نہیں کی گئی ہے۔واضح رہے کہ بھارتی فوج نے رات کی تاریکی میں بزدلانہ حملہ کیا اور آزاد کشمیر کے علاقوں کوٹلی، مظفرآباد اور باغ کے علاوہ مریدکے اور احمد پور شرقیہ میں شہری آبادی کو نشانہ بنایا، جس میں 2 مساجد کو شہید جب کہ 2 بچوں سمیت 26 پاکستانی شہید اور 46 زخمی ہوگئے۔پاک فوج نے بھارتی بزدلانہ کارروائیوں کا منہ توڑ جواب دیتے ہوئے بھارتی فوج کے 3 رافیل، ایک سخوئی، ایک مگ 29 اور ایک ڈرون تباہ کر دیا جب کہ بھارتی فوج کا بریگیڈ ہیڈ کوارٹر بھی تباہ کر دیا۔پاک فوج کے بھرپور اور فیصلہ کن حملے کے بعد بھارت نے لائن آف کنٹرول پر سفید جھنڈا لہرا کر شکست تسلیم کر لی۔