اردو ورلڈ کینیڈا ( ویب نیوز ) پاکستان کرکٹ بورڈ نے اعلان کیا کہ پی ایس ایل کے 3 دن فوج، بحریہ اور فضائیہ کے لیے وقف کیے گئے ہیں۔

پی سی بی کے اعلان کے مطابق پی ایس ایل 10 کا پہلا دن جو 17 مئی سے دوبارہ شروع ہوگا، پاک فوج کے لیے، دوسرا دن پاک بحریہ کے لیے اور تیسرا دن پاک فضائیہ کے لیے وقف کیا گیا ہے۔مزید برآں، راولپنڈی کرکٹ اسٹیڈیم میں کراچی کنگز اور پشاور زلمی کے درمیان 27ویں میچ کے دوران شہداء کے لیے ایک منٹ کی خاموشی اختیار کی گئی۔آرمی چیف جنرل عاصم منیر اور ڈی جی آئی ایس پی آر کے لیفٹیننٹ جنرل احمد شریف بھی اسٹیڈیم میں موجود تھے۔